感謝狼令我成長不少

諗返起對住E隻狼真係覺得好煩，好討厭~

相信每個狼仔狼女都會諗“點解會係我? 點解要受E D苦” 不過比隻狼煩完十年之後，不自覺感到慶幸有佢係我身上共存。

約十年前仲係個細路女，不懂世事，不知何為紅斑狼瘡，只知道由瘦瘦嘅我，變得圓碌碌（現任男朋友仲會笑我似BB-8 😑）, 又因藥物關係變得眉粗生鬚，比同學仔笑。

經常入院，經常加藥，最高峰更試過一日食40幾粒藥丸，老實講食藥都食到飽。呢十年經歷太多，不能盡錄，亦不想再將不愉快的經歷掛在口邊，人是要向前望，狼來了就是狼來了，希望各位狼仔狼女都盡量放鬆心情與它交手，不用灰心。因為我相信大家都一定會穩定落黎，會有一個很好很正面嘅將來，或許患有紅斑狼瘡可能係我人生內最大嘅難關，最大嘅挑戰。

希望能夠以生命影響生命，做個開心快樂的紅蘋果 🍎。