高妹記者
2022年3月28日
今天社交媒體鋪天蓋地都是Will Smith打人的帖文！
事源是喜劇演員Chris Rock在頒獎時，以一貫開玩笑的方式提及Will Smith的太太Jada Pinkett Smith，「幽默」地取笑其光頭造型，Will Smith隨即衝上奧斯卡頒獎台上，做出令全場「O晒嘴」的舉動。
事實上，Jada近年一直因圓形禿這種免疫疾病，而深受脫髮問題困擾，向不同醫生求診卻苦無解決良方，亦曾公開表示會努力治療，希望大家正視女性的脫髮症狀。
💔 取笑是一種言語暴力
My Lupus Diary創辦人Sapphire表示，脫髮是很多疾病都會出現的副作用，而這個問題可令人自我形象低落，甚至引致情緒病。「呢個係好敏感嘅話題，喺任何公開平台上取笑脫髮人士，都係一種言語暴力！」
作為紅斑狼瘡患者，Sapphire不時會因為病症及藥物副作用導致脫髮，「基本上嚴重發病時，都會出現脫髮問題，每次都令我好困擾、抑鬱，身邊嘅人只要提起少少有關我頭髮薄咗、少咗，我都會好介意，曾經仲緊張到每日喺度數地下甩咗幾多頭髮！」
正職是化妝師的她，一般會以技巧去遮蓋脫髮的情況，「我都試過駁髮好多次，不過駁髮會令頭髮加重負擔，每隔一段時間都要拆，每次都好擔心拆得唔好，又會搞到少咗頭髮，對我嚟講係一件好大壓力嘅事。」
💜 學習與病症共處
患病九年以來，Sapphire一直學習與紅斑狼瘡症共存，「呢個病令我更加堅強，我喺網上見過好多患者係過唔到三十歲，能夠迎接『明天』唔係必然，所以我一定有咩想做就一定做咗先。」
因此，她在五年前與同樣患上紅斑狼瘡症的朋友，一同開設專頁「My Lupus Diary」，希望透過平台聚集一班患者互相分享與扶持，早前她們更正式成立有限公司，計劃在未來兩年內發展成NGO。「嚟緊我哋都會新搞作，例如係下個月推出會員計劃、搞網上活動，同埋會喺五月搞開幕儀式，迎合五月十日嘅世界紅斑狼瘡日。」